حقيقه الراجل الي واقف ورا عمر سليمان

منذ ان القى نائب الرئيس المصري عمر سليمان خطاب التنحي اصبح الشغل الشاغل للكثيرمن  شباب الفيسبوك هو معرفه هويه ذلك الشخص معقود الحاجبين الذي كان يقف وراءه في الخطاب الذي لم يستغرق سوى ثوان محدوده

وعلى الرغم من ان الموضوع كله غير مهم الا انه اصبح حدث الساعه لمعرفه من هو هذا الشخص لدرجه انك لو بحثت في جوجل عن

(الراجل الي واقف ورا عمر سليمان ) لوجدت 18,400 صفحه تتحدث عنه مع اختيارات بحث اخرى!!!

بدا الموضوع بين تعليقات في الاستيتس لبعض الشباب على الفيسبوك وعمل هاش تاج في تويتر تحت اسم الراجل الي ورا عمر سليمان و جروب ( رابطة محبي الراجل الي ورا عمرسليمان ) وتلاه عشرات الجروبات على الفيسبوك

من التعليقات العديده

خبر عاجل من التلفزيون المصري: الراجل اللي ورا عمر سليمان في خطاب للأمة مساء اليوم لتوضيح حقيقة موقفه

الحق الحصري لاحمد عز - الاجندات

مع انه مش وقته خالص في قلب الاحداث المتسارعه الي بتحصل حاليا الا اني فعلا مستغرب  ازاي الشعب فضل مستحمل وجود احمد

عز في السياسه المصريه

فعلا انسان مستفز جدا ومنافق بشكل لا يصدق

الا اني احب ان اشهد لسه ببرائه اختراع دخول الاجندات مصر من فتره

طبعا الفيديو مستفز جدا واسلوبه ركيك وسخيف

بس معلش

كوميديا الثورة

بالرغم ما تمر به مصر حاليا من ظروف استثنائيه وربما مأساويه الا انه وكعاده شعبنا الكوميدي خرج علينا العديد من خفيفي الظل ببضع الكلمات الذكيه اللماحه ووضعوها كوصف لحالتهم في الفيسبوك ،قمت بجمع بعض الكلمات التي اعجبتني وها انا اعرضها عليكم لعلها ترسم بسمه ولو صغيره على شفاهكم في هذه الاوقات العصيبه

يعنى ايه كوك زيرو ... يعنى تبقى واقف فى اللجنه الشعبيه بتحشش و يجى البوكس تقوم تفتشه

انا مندس .. انا مندس ، هاتلي أجندة ووجبة وبس

من هارديز او من كنتاكي ، هاتلي وجبة دينر بوكس

أو سوبر زنجر من غير خس

هاتلي أجندة من الفجالة ،

أعمل بيها ثورة في مصر

مبارك بعد ما مات قابل ناصر والسادات سألوه: سم ولا منصة؟ قالهم: فيس بوك

افهم الاول وبعدين خذ قرارك - الجزء الثاني

لم يكن اي احد في مصر يعرف ان يوم 25 يناير سيكون بهذا القوه والتاثير ولا حتى الداعين لتنظيم هذا اليوم انفسهم ، وبالطبع كانت الدوله اكبر المصدومين في هذا النجاح ، فقد اعتادت الدوله على تلك التظاهرات المكونه من بضع عشرات الى بضع مئات يحيط بهم اضعافهم من الامن المركزي والمباحث ويكتفي المواطنين العاديين اما بالتضامن القلبي واما بمصمصه شفاههم على العيال التافهين الي عندهم وقت فراغ بيقضوه في معارضه الحكومه ، وتنتهي المظاهره بتعليمات من البيه ظابط امن الدوله اما بصفع المتظاهرين – في الاغلب على قفاهم- واما بسحلهم في الشارع الى ميكروباصات المباحث حيث يتم تعذيبهم كام يوم على سبيل المرح ثم اطلاق سبيلهم ان كانوا سعداء الحظ او اعتقالهم بلا تهمه

اختلف هذا  السيناريو الممل كثيرا هذه المره ،تجمع عشرات الالاف من الشباب في العديد من محافظات مصر في الاماكن المتفق عليها للتظاهر، وكانت القاهره كما هو متوقع صاحبه اكبر زخم للاحداث عشرات الالاف الشباب الثائر تجمعو في اماكنهم وبخاصه ميدان التحرير واشتبكوا بعنف مع الشرطه وجحافل الامن المركزي التي تعاملت مع الموقف بوحشيه وخاصه ان الموقف كاد ان يفلت من ايديهم فترات كثيره – او افلت بالفعل – وتمكن الشباب من السيطره تماما على ميدان التحرير وشوارع القصر العيني وبعض شوارع وسط البلد وكانت هناك اشتباكات في العديد من احياء القاهره والجيزه والقليل من المحافظات التي تشهد التظاهر ضدالحكومه لاول مره في تاريخ مصر الحديثه .

من الجارديان البريطانيه وشبكه ايه بي سي الامريكيه ثروه مبارك وابناءه 70 مليار دولار

لن اطيل انا فقط سانقل الخبر وبامكانكم القراءه

من موقع الجارديان

http://www.guardian.co.uk/world/2011/feb/04/hosni-mubarak-family-fortune

ومن موقع ال ايه بي سي

http://abcnews.go.com/Business/egypt-mubarak-family-accumulated-wealth-days-military/story?id=12821073&page=2

افهم الاول وبعدين خد قرارك مع المتظاهرين ام مع حسني مبارك - الجزء الاول

يشعر العديد من الناس  ان لم يكن الاغلبيه حاليا بحاله من التوهان وضياع المؤشر  هوا مين صح ومين غلط المتظاهرين ولا الحكومه ، هوا مين الي واقف حال البلد ومصالح الناس

هوا المحتجين خونه وعملاء وبتحركهم اسرائيل وحزب الله ولا هما وطنيين والحكومه هيا الي بتشوه صورتهم

الاستمرار في الاعتصام صح ولا ان المحتجين يروحوا ويسيبو الحكومه تشتغل والحال هيبقا فل ولو محصلش ينزلو تاني؟

هوا مش الريس نفذ مطالبهم يبقا ليه لسه قاعدين؟؟ طب هيا ايه مطالبهم اصلا

طبعا لسه فيه العديد والعديد من الاسئله بس يمكن دي الاسئله الرئيسيه الي الرد عليها هيوضح كل التفاصيل الاخرى وهنستطيع نجاوب عليها بسهوله

بس علشان نجاوب اسئله زي دي محتاجين نبتدي من فتره زمنيه ابعد شويه علشان نستطيع نفهم ايه الي بيحصل دلوقتي ونوصل لحل واضح وبسيط لدرجه انك هتستغرب ازاي مكنتش شايف الحل بالرغم من وضوحه اما اعيننا جميعا

البدايه

كل الناس عارفه وضع مصر كان عامل ازاي طوال السنين الماضيه

الشرطه بتعامل الناس اسوا معامله سواء اعتقال لناس بريئه باستغلال قانون